¿Cobro irregular aos usuarios na Piscina Municipal de Mugardos?

"En el caso de que no figure expresamente la cláusula de “IVA incluido” en la ordenanza fiscal, los usuarios del servicio percibirán un incremento de los precios por el aumento de los tipos impositivos; mientras que en el caso contrario, la subida de los tipos impositivos podrá no ser percibida por los usuarios del servicio, ya que podrían seguir abonando el mismo importe, antes y después del 1 de septiembre, siendo en este último caso, la empresa que presta el servicio la que soportaría el incremento de los tipos."

(Recollido de "El blog de Acal, Abogados y consultores de Administración Local". Pode consultarse o artigo íntegro aquí)

Este é o parágrafo que onte esqueceu ler a voceira de EU Pilar Díaz cando xustificou a suba realizada pola empresa aos usuarios nas cotas da piscina municipal dende o mes de setembro, logo da denuncia realizada polo PP do suposto cobro irregular aos usuarios por parte da empresa concesionaria entre setembro e novembro, por repercutirlles a suba do IVE sen que se tiveran modificado a ordenanza fiscal.

A situación é a seguinte. No mes de setembro o IVE aplicable ao servizo da piscina subiu do 8% ao 21% pola lei aprobada polo goberno popular do Estado, pero a ordenanza fiscal vixente no mes de setembro (pode consultarse aquí, na páxina 62 e seguintes) e que regulaba o cobro aos usuarios da piscina, puña que o prezo para, por exemplo un abono indiidual para maiores de 25 anos, era de 25€ IVE incluido.

Polo tanto, e como reza o primeiro parágrafo desta entrada, o cambio no imposto non podía repercutirse nos usuarios, posto que o prezo recollido na ordenanza xa contemplaba o IVE Incluido.

Outra cousa sería se o importe que aparecese na ordenanza fose 25€ IVE non incluido. Nese caso, efectivamente a empresa podería subir dende o 1 de setembro as cotas aos usuarios, posto que o recollido na ordenanza non sería o prezo final, que está composto pola base máis o IVE. Neste caso, aos 25€ habería que engadirlles o IVE para coñecer o prezo final a pagar polo usuario.

Pero non era así no caso de Mugardos, onde a ordenanza fiscal xa recollía os prezos con IVE incluido.

¿Qué tería que terse feito nese caso, para repercutirlles a suba do IVE aos usuarios? que foi o que dixo o voceiro do BNG, que nin a empresa nin o Concello podían asumir esa suba, polo que tiñan que ser os usuarios os que a pagaran. O mesmo artigo recolle a solución:

"Así pues, cuando la ordenanza fiscal indique que las tarifas en ella contenida ya incluyen el IVA, podría justificarse un aumento de las mismas a través de la modificación de la ordenanza fiscal, siempre y cuando se demuestre por la empresa que gestione el servicio que se ha producido un desequilibrio económico"

Efectivamente, a solución era a modificación da ordenanza fiscal. E esta produciuse o 26 de novembro (pode consultarse aquí) e por eso dende o 1 de setembro ata o 26 de novembro, o prezo cobrado pola empresa aos usuarios da Piscina Municipal de Mugardos semella irregular.

Esta primeira entrada do blog ten como única finalidade dar información e aclarar o que xa tentei explicar no Pleno de onte, así como o que penso que os centos de usuarios da Piscina deben saber sobre o porqué non se lles debeu subir o recibo no mes de setembro.

As valoracións políticas sobre este punto do Pleno, sobre as posturas de cada partido e sobre a miña propia virán máis adiante noutra entrada. Hoxe limítome á informar.